چیئرمین پاکستان تحریک انصاف بیرسٹر گوہر نے دعویٰ کیا ہے کہ حکومتی بینچز سے 7 ممبران ترمیم کے حق میں ووٹ نہیں دیں گے۔
بیرسٹر گوہر نے کہا کہ ایسی جمہوریت نہیں دیکھی جس میں کوئی اس قسم کی قانون سازی کرے ، اس طرح کی قانون سازی کرنی ہے تو کل کوئی بھی اقلیت حکومت بنا سکتی ہے۔
ان کا مزید کہنا تھا کہ مولانا فضل الرحمان سے آج ہماری ملاقات ہو گی ، عدلیہ میں اصلاحات کرنی ہیں تو ہم ساتھ ہیں لیکن عدلیہ کو ماتحت نہ کریں اور ججز کو مرضی کے بغیر ٹرانسفر نہ کریں۔ امید ہے مولانا فضل الرحمان عدلیہ پر کوئی کمپرومائز نہیں کریں گے۔
چیئرمین پی ٹی آئی نے کہا کہ آئینی ترمیم کے حوالے سے ہمارے پاس ڈرافٹ موجود ہے ، ڈرافٹ تب دیں گے جب ہماری سابق چیئرمین پی ٹی آئی سے ملاقات ہو گی۔
انہوں نے مزید کہا کہ شوکت خانم اسپتال کے ڈاکٹرز سے سابق چیئرمین پی ٹی آئی کا طبی معائنہ کرایا جائے۔
