یورپی یونین کے رکن ملک سائپرس کی شہریت حاصل کرنے کے خواہشمند افراد وہاں سرمایہ کاری کرکے اپنا یہ خواب حقیقت بنا سکتے ہیں۔
بحیرہ روم کے کنارے واقع اس یورپی ملک کے حکام نے یورپی یونین کی شہریت حاصل کرنے کے لیے ایک پرکشش موقع فراہم کیا ہے، جس میں وہ افراد شامل ہیں جو کافی رقم رکھتے ہیں اور سرمایہ کاری کرنے کے خواہاں ہیں، وہ سائپرس کی شہریت حاصل کر سکتے ہیں۔
سائپرس سٹیزن شپ بائی انویسٹمنٹ (سی بی آئی) پروگرام 2013 میں متعارف کرایا گیا تھا، اس پروگرام کو مزید پرکشش اور مسابقتی بنانے کے لیے اس میں کئی اہم تبدیلیاں کی گئی ہیں۔
اس پروگرام کے تحت وہ دولت مند افراد جو سائپرس کے قوانین کے مطابق سرمایہ کاری کرتے ہیں، انہیں اس یورپی یونین کے ملک کا پاسپورٹ حاصل کرنے کا موقع ملتا ہے۔
سائپرس کی شہریت حاصل کرنے والوں کو کئی فوائد حاصل ہوں گے، جن میں یورپی یونین کی شہریت حاصل کرنا شامل ہے، اور وہ 170 سے زائد ممالک میں بغیر ویزا سفر کرنے کی سہولت سے فائدہ اٹھا سکیں گے۔
درخواست دہندہ کو یورپی یونین کے کسی بھی ملک میں رہنے، کام کرنے اور تعلیم حاصل کرنے کا حق ملے گا، اور وہ دوہری شہریت رکھنے کے بھی اہل ہوں گے، اس کے علاوہ رہائشی ضروریات بھی درکار نہیں ہوں گی۔
ٹیکس کے فوائد بھی حاصل ہوں گے، اور شہریت حاصل کرنے والے افراد اعلیٰ معیار زندگی اور بہترین تعلیمی نظام سے استفادہ کر سکیں گے۔
سی بی آئی پروگرام میں شامل ہونے کے لیے درخواست دہندگان کی عمر کم از کم 18 سال ہونی چاہیے، ان کا مجرمانہ ریکارڈ صاف ہونا ضروری ہے، درخواست دہندہ کو اچھے کردار اور ساکھ کا حامل ہونا چاہیے، اور وہ کم از کم سرمایہ کاری کی ضروریات کو پورا کرنے کے ساتھ ساتھ طبی معائنہ بھی پاس کرنا ہوگا۔
سرمایہ کاری کے لیے درکار کم از کم شرائط مندرجہ ذیل ہوں گی، جو ہر امیدوار کو پورا کرنا لازمی ہوگا۔
1- رئیل اسٹیٹ سرمایہ کاری: امیدوار کو کم از کم 2 ملین یورو مالیت کے علاوہ وی اے ٹی کی جائیداد کی خریداری کرنا ہوگی۔
2- سائپرس کی کمپنی میں سرمایہ کاری: سائپرس کی کسی کمپنی میں کم از کم 2 ملین یورو کی سرمایہ کاری کرنا ہوگی، جس کا سائپرس میں موجودگی ضروری ہوگی اور کم از کم 5 شہریوں کو ملازم رکھنا ہوگا۔
3- متبادل سرمایہ کاری فنڈز (اے آئی ایف ایس) میں سرمایہ کاری: AIFs میں کم از کم 2 ملین یورو کی سرمایہ کاری کرنا ہوگی، جو سائپرس سیکیورٹیز اینڈ ایکسچینج کمیشن سے لائسنس یافتہ اور انکے زیر نگرانی کام کرتے ہوں۔
شہریت کے سلسلے میں امیدوار کو 2,000 یورو اپلیکیشن فیس ادا کرنا ہوگی، نیچرلائزیشن فیس 5,000 یورو ہوگی جبکہ پاسپورٹ فیس 120 یورو ادا کرنا ہوگی، اس کے علاوہ دیگرفیسیں جیسے قانونی فیس اور بیک گراؤنڈ چیکس وغیرہ بھی امیدوار پر لاگو ہو سکتے ہیں۔
درخواست کا عمل مکمل ہونے میں عام طور پر 6 سے 8 ماہ لگ سکتے ہیں اور اس میں درج ذیل اقدامات شامل ہیں:
– اپنی نمائندگی کے لیے ایک مجاز ایجنٹ یا وکیل کا انتخاب کریں۔
– اپنی درخواست اور معاون دستاویزات جمع کروائیں۔
– اصولی طور پر منظوری حاصل کریں۔
– مطلوبہ سرمایہ کاری کریں۔
– اپنا نیچرلائزیشن کا سرٹیفکیٹ حاصل کریں۔
– وفاداری کا حلف اٹھائیں اور اپنا پاسپورٹ حاصل کریں۔
