جمیعت علماء اسلام کے رہنما مولانا عبد الغفور حیدری نے کہا ہے کہ حکومت کو دینی مدارس کا بل ہر صورت میں منظور کرنا ہو گا۔
عبد الغفور حیدری نے کہا کہ نہیں چاہتے کہ اسلام آباد کی طرف مارچ کیا جائے لیکن اگر 8 دسمبرتک بل پر دستخط نہ کئے گئے تو اسلام آباد کا رخ کریں گے۔
ان کا مزید کہنا تھا کہ بل منظور کر کے روکا گیا، یہ بدنیتی ہے، بلاول بھٹو نے بھی یقین دہانی کرائی کہ صدرسے بات کر کے بل منظور کرائیں گے۔
واضح رہے اس سے قبل جے یو آئی کے سربراہ مو لانا فضل الرحمان نے بھی مدارس بل دستخط نہ کرنے کی صورت میں اسلام آباد جانے کی ڈیڈ لائن دی ہے۔
