پی ٹی آئی پر پابندی لگانے کا کہنے والے اپنی اوقات میں رہے، وزیراعلیٰ خیبرپختونخوا

وزیراعلی خیبرپختونخوا علی امین گنڈا پور نے کہا ہے کہ پی ٹی آئی پر پابندی لگانے کا کہنے والے اپنی اوقات میں رہے، سول نافرمانی کی تحریک اپنی فائنل نہیں ہوئی، عمران خان سے ملاقات کے بعد چیزیں فائنل ہوگی، جب چیزیں فائنل ہوگی سول نافرمانی کے بارے میں بتا دیں گے۔

 پشاور میں صحافیوں سے گفتگو کرتے ہوئے وزیراعلی خیبرپختونخوا علی امین گنڈا پور نے کہا کہ ہماری خواہش ہے کہ بانی پی ٹی آئی عمران خان کو رہا کیا جائے لیکن منتقل کرنے کی بجائے ہم چاہتے ہیں کہ رہائی ممکن ہو، جو پی ٹی آئی پر پابندی لگانے کی باتیں کر رہے ہیں وہ اپنی اوقات میں رہیں، جب چادر سے پاؤں باہر کرو گے، تو نہ تم رہو گے نہ چادر۔

علی امین گنڈا پور نے کہا کہ سول نافرمانی کی تحریک اپنی فائنل نہیں ہوئی، بانی پی ٹی آئی عمران خان سے ملاقات کے بعد چیزیں فائنل ہوگی، جب چیزیں فائنل ہوگی سول نافرمانی کے بارے میں بتا دیں گے۔

وزیراعلیٰ خیبرپختونخوا کا مزید کہنا تھا کہ ڈی چوک میں بشریٰ بی بی اکیلے چھوڑ جانے پر بشری بی بی خود جواب دے سکتے ہےقبل ازیں انسداد بدعنوانی کے دن کے موقع پر منعقدہ تقریب سے خطاب میں وزیراعلیٰ خیبرپختوںوا علی امین گنڈا پور نے کہا کہ ہم کرپشن کی مذمت کرتے ہیں مگر اس کرپشن کا حصہ ہیں، اتنے برس گزر جانے کے باوجود معاشرے سے کرپشن ختم کیوں نہیں ہورہی؟ ہم نے خود کو ٹھیک نہیں کیا ہم نے اپنا احتساب نہیں کیا، جس دن ہم نے کرپشن سے خود کو روکا اس دن کرپشن ختم ہو جائے گی۔