خصوصی سرمایہ کاری سہولت کونسل (ایس آئی ایف سی )کے ایگزیکٹو کمیٹی کے اجلاس میں پیٹرول، ڈیزل، مٹی کے تیل اور لائٹ ڈیزل آئل پر 2.5 روپے فی لیٹر اضافے کا فیصلہ کیا گیا ہے۔
موقر قومی اخبار کے مطابق قیمتوں میں اضافے کا اثر ای ایسکرو (ESCROW) اکاؤنٹس میں منتقل کیا جائے گا جو ریفائنریوں کے اپ گریڈ منصوبوں کے لئے استعمال ہو گا۔ یہ ایک عارضی انتظام ہوگا اور آئندہ بجٹ تک جاری رہے گا۔
ایس آئی ایف سی کے اجلاس میں اوگرا کو قیمتوں میں اضافے کے اثرات کا جائزہ لینے اور پیٹرولیم ڈویژن کو خلاصہ تیار کرنے کی ہدایت دی گئی، جو ای سی سی کے سامنے منظوری کے لئے پیش کیا جائے گا۔
پارکو جو مارکیٹ کا 48 فیصد حصہ رکھتا ہے،اضافے کے خلاف ہے اور اسے عارضی انتظام قرار دیتا ہے۔
اجلاس میں پٹرولیم ڈویژن کو ہدایت دی گئی کہ مقامی ریفائنریوں کے 5 سے 6 ارب ڈالر کے اپ گریڈ منصوبوں کو شروع کرنے کے لئے ایک ہفتے کے اندر قابل عمل منصوبہ پیش کرے۔
واضح رہے پٹرولیم مصنوعات کی قیمتوں میں اضافے کا اعلان 15 دسمبر کو کیا جائے گا۔
