لاہور: پاکستان شوبز انڈسٹری کی معروف ماڈل، اداکارہ و ٹی وی میزبان وینا ملک نے کہا ہے کہ وہ حسن پرست عورت ہیں، شادی کیلئے خوبصورت مرد ہی چاہیے۔
ایک ٹی وی پروگرام کے دوران بات کرتے ہوئے وینا ملک نے دعویٰ کیا ہے کہ انہیں تاحال شادی کے لیے متعدد پیشکش آئی ہیں جبکہ ان کے والدین کے پاس بھی ان کے رشتے آتے ہیں۔
ان کا کہنا تھا کہ وہ شادی کے پیغامات کو نظرانداز کردیتی ہیں کیوںکہ جب انہیں شادی کرنی ہی نہیں تو ایسے پیغامات پر وہ کیا ردعمل دیں۔
انہوں نے واضح کیا ہے کہ ان کے شہریار چودھری نامی شخص سے اچھے تعلقات ہیں لیکن تاحال انہوں نے ان سے شادی کا حتمی فیصلہ نہیں کیا اور انہوں نے ساتھ ہی واضح کیا کہ میں حسن پسند عورت ہوں، شادی کیلئے خوبصورت مرد چاہیے۔
