ایک ہفتے کی مسلسل گراوٹ کے بعد سونے کی قیمتوں نے آج دوبارہ تیزی پکڑ لی ہے، اور مارکیٹ میں فی تولہ سونا 1500 روپے مہنگا ہوگیا ہے۔ اس اضافے کے بعد ملک بھر میں سونے کی قیمت 3 لاکھ 57 ہزار 700 روپے فی تولہ تک پہنچ گئی ہے، جو حالیہ دنوں میں ریکارڈ سطح تصور کی جا رہی ہے۔
آل پاکستان جیمز اینڈ جیولرز ایسوسی ایشن کے مطابق آج 10 گرام سونے کی قیمت میں بھی نمایاں اضافہ ہوا ہے، جو ایک ہزار 286 روپے بڑھنے کے بعد 3 لاکھ 6 ہزار 670 روپے تک جا پہنچی ہے۔ ماہرین کا کہنا ہے کہ یہ اضافہ گزشتہ دنوں عالمی منڈی میں آنے والی تبدیلیوں کے اثرات کی وجہ سے دیکھنے میں آیا ہے۔
بین الاقوامی سطح پر بھی سونے کی قیمت میں اضافہ ریکارڈ کیا گیا ہے۔ عالمی بازار میں سونے کی فی اونس قیمت میں 15 ڈالر کا اضافہ ہوا ہے، جس کے بعد عالمی نرخ 3 ہزار 350 ڈالر فی اونس ہو گئے ہیں۔
