گلگت بلتستان کے علاقے تھک داس چھاؤنی کے قریب پاک فوج کا ایک ایم آئی-17 ہیلی کاپٹر تربیتی پرواز کے دوران حادثے کا شکار ہو گیا۔ بدقسمت ہیلی کاپٹر ہُڈور گاؤں کے نزدیک صبح تقریباً 10 بجے گر کر تباہ ہوا، جو تھکداس کینٹونمنٹ سے محض 12 کلومیٹر کے فاصلے پر کریش لینڈنگ کے بعد مکمل طور پر تباہ ہوگیا۔
آئی ایس پی آر کے مطابق ہیلی کاپٹر میں سوار تمام اہلکار شہید ہو گئے۔ شہداء میں پائلٹ اِن کمانڈ میجر عاطف، کو پائلٹ میجر فیصل، فلائٹ انجینئر نائب صوبیدار مقبول، کریو چیف حوالدار جہانگیر اور کریو چیف نائیک عامر شامل ہیں۔ ترجمان نے مزید بتایا کہ ہیلی کاپٹر کو فنی خرابی پیش آئی، جس کے باعث یہ حادثہ پیش آیا۔
بیان میں کہا گیا کہ آرمی ایوی ایشن کی تربیتی پروازیں معمول کا حصہ ہیں تاکہ فوج کی آپریشنل تیاری ہر وقت برقرار رہے۔ یہ تربیت نہ صرف ملکی دفاعی ذمہ داریوں کے لیے ضروری ہے بلکہ قدرتی آفات اور انسانی ہمدردی پر مبنی امدادی سرگرمیوں میں بھی انتہائی اہم کردار ادا کرتی ہے۔
وزیراعظم شہباز شریف نے اس افسوسناک حادثے پر گہرے دکھ اور رنج کا اظہار کرتے ہوئے شہداء کے درجات کی بلندی اور ان کے لواحقین کے لیے صبر جمیل کی دعا کی۔ وزیراعظم نے کہا کہ قوم اپنے بہادر شہداء پر فخر کرتی ہے۔
وفاقی وزیر داخلہ محسن نقوی نے بھی شہداء کو خراجِ عقیدت پیش کیا اور کہا کہ میجر عاطف، میجر فیصل، نائب صوبیدار مقبول، حوالدار جہانگیر اور نائیک عامر نے فرض کی ادائیگی کے دوران اپنی جانوں کا نذرانہ پیش کر کے قربانی کی عظیم مثال قائم کی۔ انہوں نے لواحقین سے دلی ہمدردی کا اظہار کرتے ہوئے کہا کہ حکومت اور قوم غم کی اس گھڑی میں شہداء کے اہلِ خانہ کے ساتھ کھڑی ہے۔
گلگت بلتستان کے علاقے تھک داس چھاؤنی کے قریب پاک فوج کا ایک ایم آئی-17 ہیلی کاپٹر تربیتی پرواز کے دوران حادثے کا شکار ہو گیا۔ بدقسمت ہیلی کاپٹر ہُڈور گاؤں کے نزدیک صبح تقریباً 10 بجے گر کر تباہ ہوا، جو تھکداس کینٹونمنٹ سے محض 12 کلومیٹر کے فاصلے پر کریش لینڈنگ کے بعد مکمل طور پر تباہ ہوگیا۔
آئی ایس پی آر کے مطابق ہیلی کاپٹر میں سوار تمام اہلکار شہید ہو گئے۔ شہداء میں پائلٹ اِن کمانڈ میجر عاطف، کو پائلٹ میجر فیصل، فلائٹ انجینئر نائب صوبیدار مقبول، کریو چیف حوالدار جہانگیر اور کریو چیف نائیک عامر شامل ہیں۔ ترجمان نے مزید بتایا کہ ہیلی کاپٹر کو فنی خرابی پیش آئی، جس کے باعث یہ حادثہ پیش آیا۔
بیان میں کہا گیا کہ آرمی ایوی ایشن کی تربیتی پروازیں معمول کا حصہ ہیں تاکہ فوج کی آپریشنل تیاری ہر وقت برقرار رہے۔ یہ تربیت نہ صرف ملکی دفاعی ذمہ داریوں کے لیے ضروری ہے بلکہ قدرتی آفات اور انسانی ہمدردی پر مبنی امدادی سرگرمیوں میں بھی انتہائی اہم کردار ادا کرتی ہے۔
وزیراعظم شہباز شریف نے اس افسوسناک حادثے پر گہرے دکھ اور رنج کا اظہار کرتے ہوئے شہداء کے درجات کی بلندی اور ان کے لواحقین کے لیے صبر جمیل کی دعا کی۔ وزیراعظم نے کہا کہ قوم اپنے بہادر شہداء پر فخر کرتی ہے۔
وفاقی وزیر داخلہ محسن نقوی نے بھی شہداء کو خراجِ عقیدت پیش کیا اور کہا کہ میجر عاطف، میجر فیصل، نائب صوبیدار مقبول، حوالدار جہانگیر اور نائیک عامر نے فرض کی ادائیگی کے دوران اپنی جانوں کا نذرانہ پیش کر کے قربانی کی عظیم مثال قائم کی۔ انہوں نے لواحقین سے دلی ہمدردی کا اظہار کرتے ہوئے کہا کہ حکومت اور قوم غم کی اس گھڑی میں شہداء کے اہلِ خانہ کے ساتھ کھڑی ہے۔
