پاکستان کرکٹ بورڈ (پی سی بی) نے جنوبی افریقہ کے خلاف آئندہ ٹیسٹ سیریز کے لیے قومی ٹیم کا اعلان کر دیا ہے۔ اعلان کردہ 18 رکنی اسکواڈ میں تین نئے کھلاڑیوں کو پہلی بار ٹیسٹ کرکٹ کا موقع دیا گیا ہے۔
تفصیلات کے مطابق شان مسعود بدستور ٹیسٹ ٹیم کی قیادت کریں گے، جبکہ آصف آفریدی، فیصل اکرم اور وکٹ کیپر بیٹر روحیل نذیر پہلی بار قومی ٹیسٹ اسکواڈ کا حصہ بنے ہیں۔ پاکستان اور جنوبی افریقہ کے درمیان پہلا ٹیسٹ 12 سے 16 اکتوبر کو لاہور کے قذافی اسٹیڈیم میں کھیلا جائے گا، جبکہ دوسرا ٹیسٹ 20 سے 24 اکتوبر کو راولپنڈی کرکٹ اسٹیڈیم میں ہوگا۔
سیریز کی تیاری کے لیے ٹریننگ کیمپ 30 ستمبر سے 8 اکتوبر تک لاہور میں جاری رہے گا، جس کے بعد پہلے ٹیسٹ سے قبل اسکواڈ کو مزید مختصر کر دیا جائے گا۔ اس دوران ایشیا کپ کھیلنے والے کھلاڑی 4 اکتوبر کو اسکواڈ کو جوائن کریں گے۔
ٹیسٹ اسکواڈ:
شان مسعود (کپتان)، بابر اعظم، محمد رضوان، شاہین شاہ آفریدی، عبداللہ شفیق، امام الحق، سلمان علی آغا، سعود شکیل، عامر جمال، کامران غلام، حسن علی، خرم شہزاد، نعمان علی، ساجد خان، ابرار احمد، آصف آفریدی، فیصل اکرم، روحیل نذیر۔
