آج ملک میں سونے کی قیمت میں کوئی تبدیلی نہیں ہوئی اور گزشتہ کاروباری روز والی قیمتیں ہی برقرار ہیں، فی تولہ نرخ 4 لاکھ 30 ہزار 662 روپے پر برقرار ہے۔
آل پاکستان جیمز اینڈ جیولرز ایسوسی ایشن کی رپورٹ کے مطابق کاروباری ہفتے کے پہلے روز یعی پیر کے روز ملک بھر کی صرافہ مارکیٹوں میں سونے کی فی تولہ قیمتیں برقرار ہیں۔
گزشتہ کاروباری ہفتے کے آخری روز یعنی ہفتے کے روز ملک میں سونے کی فی تولہ قیمت میں 9100 روپے کی بڑی کمی ہوئی تھی، کمی کے بعد مقامی سطح پر 24 قیراط کے حامل فی تولہ سونے کی قیمت 4 لاکھ 30 ہزار 662 روپے ہوگئی تھی۔
ملک بھر میں گزشتہ کاروباری ہفتے کے آخری روز 10 گرام سونے کی قیمت 7799 روپے کی کمی کے بعد 3 لاکھ 69 ہزار 223 روپے ہو گئی تھی۔
دوسری جانب ملک میں چاندی کی قیمت میں اضافہ دیکھا گیا ہے، فی تولہ چاندی کی قیمت 55 روپے بڑھ کر 5 ہزار 368 روپے کی سطح پر پہنچ گئی۔
بین اقوامی مارکیٹ میں گزشتہ کاروباری ہفتے کے آخری روز سونے کی قیمت 91 ڈالر سے کم ہو کر 4083 ڈالر فی اونس ہو گئی تھی۔
