آج ملک کی صرافہ مارکیٹوں میں سونے کی قیمت میں کوئی تبدیلی ریکارڈ نہیں ہوئی اور گزشتہ کاروباری روز کے نرخ بدستور برقرار رہے۔ فی تولہ سونے کی قیمت 4 لاکھ 38 ہزار 862 روپے کے موجودہ سطح پر ہی برقرار رہی۔
آل پاکستان جیمز اینڈ جیولرز ایسوسی ایشن کی رپورٹ کے مطابق کاروباری ہفتے کے چوتھے روز، جمعرات کو، ملک بھر کی مارکیٹوں میں سونے کی قیمتوں میں استحکام دیکھا گیا اور کسی قسم کا اضافہ یا کمی سامنے نہیں آئی۔
گزشتہ کاروباری روز بدھ کو سونے کی فی تولہ قیمت میں 2300 روپے کا اضافہ ہوا تھا، جس کے بعد 24 قیراط والے فی تولہ سونے کی قیمت بڑھ کر 4 لاکھ 28 ہزار 862 روپے تک پہنچ گئی تھی۔
اسی طرح گزشتہ روز 10 گرام سونے کی قیمت میں بھی 1972 روپے کا اضافہ ہوا تھا، جس کے بعد نئی قیمت 3 لاکھ 76 ہزار 253 روپے ریکارڈ کی گئی۔
بین الاقوامی مارکیٹ میں بھی سونے کی قیمت میں اضافہ دیکھا گیا، جہاں ریٹ 23 ڈالر اضافے کے بعد 4165 ڈالر فی اونس تک پہنچ گیا۔
چاندی کی قیمتوں میں بھی اضافہ ریکارڈ ہوا۔ پاکستان میں فی تولہ چاندی کی قیمت 160 روپے کے اضافے سے بڑھ کر 5 ہزار 642 روپے ہوگئی، جبکہ فی 10 گرام چاندی کی قیمت 137 روپے اضافے کے بعد 4 ہزار 934 روپے ہو گئی۔
