جنگی صورتحال کے باعث سعودی عرب میں موجود زائرین کیلئے بڑی سہولت فراہم کرتے ہوئے سعودی وزارت داخلہ نے 25 فروری کو ختم ہونے والے ویزوں کی مدت میں 18 اپریل تک توسیع کا اعلان کر دیا ہے، تاکہ متاثرہ افراد کو سہولت فراہم کی جا سکے۔
سعودی وزارت داخلہ کے مطابق ویزے کی مدت میں توسیع مقررہ فیس ادا کر کے “ابشر” پلیٹ فارم کے ذریعے حاصل کی جا سکتی ہے، اور اس حوالے سے تمام ضروری سہولیات فراہم کی گئی ہیں تاکہ زائرین آسانی سے اس سہولت سے فائدہ اٹھا سکیں۔
وزارت داخلہ نے مزید بتایا کہ تمام اقسام کے ویزہ رکھنے والے افراد بغیر کسی جرمانے کے ملک سے روانہ ہو سکتے ہیں، جس سے زائرین کو اضافی مالی بوجھ سے بھی بچایا گیا ہے۔
سعودی حکام نے ہدایت کی ہے کہ قانونی پیچیدگیوں سے بچنے کے لیے تمام زائرین 18 اپریل سے قبل سعودی عرب سے روانگی یقینی بنائیں، تاکہ کسی قسم کی کارروائی سے بچا جا سکے۔
