ملک میں آج سونے کی قیمتوں میں 800 روپے کی کمی ریکارڈ کی گئی ہے۔
سرکاری خبر رساں ادارے ’اے پی پی‘ کے مطابق آل سندھ صرافہ جیولرز ایسوسی ایشن نے بتایا کہ 24 قیراط فی تولہ سونے کی قیمت 800 روپے تنزلی کے بعد 2 لاکھ 72 ہزار 600 روپے ہو گئی ہے۔
اسی طرح 24 قیراط 10 گرام سونے کے نرخ 685 روپے تنزلی سے 2 لاکھ 33 ہزار 711 روپے ریکارڈ کیے گئے ہیں، جبکہ 22 قیراط 10 گرام سونا 2 لاکھ 14 ہزار 235 روپے میں فروخت ہوا۔
ادھر، چاندی کی فی تولہ اور 10 گرام قیمتیں 3 ہزار 350 روپے اور 2 ہزار 872 روپے پر برقرار رہیں۔
ایسوسی ایشن کے مطابق عالمی منڈی میں بھی سونے کی قیمتوں میں 8 ڈالر کی کمی ریکارڈ کی گئی ہے، جس کے بعد فی اونس سونا 2 ہزار 614 ڈالر پر آ گیا ہے۔
