دبئی: سابق آسٹریلوی کپتان اور مایہ ناز بلے باز رکی پونٹنگ نے آئی سی سی چمپینئز ٹرافی کے فائنل میچ کے حوالے سے پیشگوئی کرتے ہوئے اپنی فیورٹ ٹیموں کے نام بتا دیئے۔
سابق کینگروز کپتان نے پیشگوئی کرتے ہوئے کہا ہے کہ آئی سی سی چمپینئز ٹرافی کا فائنل آسٹریلیا اور بھارت کے درمیان ہو گا۔
پاکستانی ٹیم کے حوالےسے گفتگور کرتے ہوئے رکی پونٹنگ کا کہنا تھا کہ پاکستانی ٹیم دونوں ٹیموں کے لیے چیلنج بنے گی تاہم آسٹریلیا اور بھارت کی ٹیموں میں کوالٹی پلیئرز موجود ہیں، ان ٹیموں کی حالیہ تاریخ اور آئی سی سی ایونٹس میں کارکردگی سب کچھ واضح کرتی ہے۔
انہوں نے مزید کہا کہ بھارت اور آسٹریلیا کو فائنلسٹ ٹیموں کے لیے نظر انداز نہیں کیا جا سکتا، ایک اور ٹیم جو اس وقت کچھ اچھی کرکٹ کھیل رہی ہے وہ پاکستان ہے، ان کی ون ڈے کرکٹ کچھ عرصے سے شاندار ہے۔
ان کا کہنا تھاکہ بڑے ٹورنامنٹ میں پاکستان کے بارے میں زیادہ پیشگوئی نہیں کی جا سکتی لیکن پاکستان نے کچھ چیزوں کو بہت بہتر کر لیا ہے۔
