پیرس میں فنی خرابی کا شکار ہونے والا قومی ایئرلائن کا طیارہ، جو گزشتہ تین روز سے پیرس ایئرپورٹ پر کھڑا تھا، آج صبح مکمل مرمت کے بعد بحال ہو کر لاہور پہنچ گیا۔
ایوی ایشن ذرائع کے مطابق یہ طیارہ 8 اگست کو اسلام آباد سے پیرس کے لیے روانہ ہوا تھا۔ تاہم پیرس ایئرپورٹ پر پہنچتے ہی اس میں تکنیکی خرابی پیدا ہوگئی، جس کے باعث اسے عارضی طور پر گراؤنڈ کر دیا گیا۔
ذرائع نے مزید بتایا کہ طیارہ تین دن تک پیرس ایئرپورٹ پر مرمت کا منتظر رہا۔ کل قومی ایئرلائن کی انجینئرنگ ٹیم پیرس پہنچی اور ضروری فنی کارروائی کے بعد طیارے کی خرابی دور کر دی۔
ایوی ایشن ذرائع کے مطابق مرمت مکمل ہونے کے بعد طیارہ آج صبح لاہور کے لیے روانہ ہوا اور بخیریت پہنچ گیا، جہاں اس کا تکنیکی معائنہ دوبارہ کیا جائے گا تاکہ آئندہ پروازوں کے لیے اسے مکمل محفوظ قرار دیا جا سکے۔
