عالمی اور مقامی سونا مارکیٹوں میں گزشتہ روز نمایاں اضافے کے بعد آج سونے کی قیمت میں کمی ریکارڈ کی گئی ہے، جس کے باعث صرافہ بازار میں سونا بلند ترین سطح سے نیچے آ گیا ہے۔
آل پاکستان جیمز اینڈ جیولرز ایسوسی ایشن کی رپورٹ کے مطابق کاروباری ہفتے کے چوتھے روز یعنی جمعرات کو ملکی صرافہ مارکیٹوں میں سونے کی قیمت میں کمی دیکھی گئی، جس کے بعد عالمی اور مقامی سطح پر سونے کے نرخوں میں قدرے استحکام آیا ہے۔
رپورٹ میں بتایا گیا ہے کہ ملک میں 24 قیراط کے حامل ایک تولہ سونے کی قیمت 800 روپے کم ہوئی، جس کے بعد فی تولہ سونا 5 لاکھ 5 ہزار 562 روپے کی سطح پر آ گیا ہے۔
اسی طرح آل پاکستان جیمز اینڈ جیولرز ایسوسی ایشن کے مطابق 10 گرام سونے کی قیمت میں 686 روپے کی کمی ریکارڈ کی گئی، جس کے بعد 10 گرام سونا 4 لاکھ 33 ہزار 437 روپے میں فروخت ہو رہا ہے۔
رپورٹ کے مطابق چاندی کی قیمت میں بھی کمی دیکھنے میں آئی ہے، جہاں فی تولہ چاندی 30 روپے سستی ہو کر 9 ہزار 904 روپے تک آ گئی ہے، جبکہ 10 گرام چاندی کی قیمت 26 روپے کم ہو کر 8 ہزار 489 روپے کی سطح پر پہنچ گئی ہے۔
دوسری جانب بین الاقوامی مارکیٹ میں بھی سونے کی قیمت میں کمی ریکارڈ کی گئی ہے، جہاں فی اونس سونا 8 ڈالر کم ہو کر 4832 ڈالر پر آ گیا ہے۔
واضح رہے کہ گزشتہ کاروباری روز ملکی مارکیٹ میں فی تولہ سونے کی قیمت میں 12 ہزار 700 روپے کا بڑا اضافہ ریکارڈ کیا گیا تھا، جبکہ عالمی منڈی میں سونا فی اونس 127 ڈالر مہنگا ہوا تھا۔ اسی طرح گزشتہ روز فی تولہ چاندی کی قیمت میں 64 روپے اضافہ ہوا تھا، جس کے بعد چاندی کی قیمت 9 ہزار 933 روپے تک پہنچ گئی تھی، جبکہ 10 گرام چاندی 54 روپے اضافے کے ساتھ 8 ہزار 515 روپے پر بند ہوئی تھی۔
