کراچی میں آئندہ 24 گھنٹوں کے دوران موسم مجموعی طور پر خشک اور سرد رہنے کا امکان ظاہر کیا گیا ہے، جس کے باعث شہریوں کو ٹھنڈک کا احساس برقرار رہنے کی توقع ہے۔
محکمہ موسمیات کے مطابق شہر میں کم سے کم درجہ حرارت 9 ڈگری سینٹی گریڈ تک رہ سکتا ہے، جبکہ زیادہ سے زیادہ درجہ حرارت بڑھ کر 23 ڈگری سینٹی گریڈ تک جانے کا امکان ہے۔
محکمہ موسمیات کا کہنا ہے کہ آج کراچی میں کم سے کم درجہ حرارت 12 اعشاریہ 8 ڈگری سینٹی گریڈ ریکارڈ کیا گیا، جبکہ اس وقت ہوا میں نمی کا تناسب 47 فیصد نوٹ کیا جا رہا ہے۔
مزید بتایا گیا ہے کہ شہر میں مشرقی سمت سے ہوائیں 8 کلومیٹر فی گھنٹہ کی رفتار سے چل رہی ہیں، جو موسم کو قدرے سرد رکھنے میں معاون ثابت ہو رہی ہیں۔
