ایران کی پاسدارانِ انقلاب نے دعویٰ کیا ہے کہ متحدہ عرب امارات میں کیے گئے ایک حملے کے نتیجے میں 25 امریکی فوجی ہلاک اور زخمی ہوئے ہیں، جسے خطے کی صورتحال میں ایک اہم پیش رفت قرار دیا جا رہا ہے۔
ایرانی پاسدارانِ انقلاب کے مطابق آپریشن وعدہ صادق 4 کی 97ویں لہر کا باضابطہ آغاز کر دیا گیا ہے، اور ترجمان نے بتایا کہ اس کارروائی کے دوران خلیج فارس میں موجود امریکی اور اسرائیلی اہداف کو نشانہ بنایا گیا۔ مزید کہا گیا کہ کویت میں امریکی فوج کے ایک خفیہ ٹھکانے پر میزائل اور ڈرون حملے بھی کیے گئے۔
پاسدارانِ انقلاب کی جانب سے جاری کردہ بیان میں دعویٰ کیا گیا ہے کہ متحدہ عرب امارات میں ہونے والی کارروائی کے دوران 25 امریکی فوجی ہلاک اور زخمی ہوئے، تاہم اس دعوے کی آزاد ذرائع سے تاحال تصدیق نہیں ہو سکی۔
