اسلام آباد میں عالمی مارکیٹ میں تیل کی قیمتوں میں نمایاں کمی کے بعد ملک میں پیٹرول اور ڈیزل کی قیمتوں میں بڑی کمی کا امکان ظاہر کیا جا رہا ہے، جس سے عوام کو ریلیف ملنے کی توقع ہے۔
انڈسٹری ذرائع کے مطابق خام تیل کی قیمتوں میں تقریباً 15 فیصد تک کمی ریکارڈ کی جا چکی ہے، جس کے اثرات مقامی مارکیٹ پر بھی پڑنے کا امکان ہے۔
ذرائع کا کہنا ہے کہ پیٹرول کی قیمت میں فی لیٹر 55 روپے تک کمی ہو سکتی ہے، جبکہ ڈیزل کی قیمت میں 95 سے 100 روپے تک کمی متوقع ہے، جو ایک بڑی مالی رعایت سمجھی جا رہی ہے۔
انڈسٹری ذرائع کے مطابق پیٹرولیم مصنوعات کی قیمتوں میں کمی سے متعلق حتمی فیصلہ وزیراعظم کی منظوری کے بعد کیا جائے گا۔
