پاکستان پیپلز پارٹی کے چیئرمین بلاول بھٹو زرداری نے اسرائیل کی جانب سے گلوبل صمود فلوٹیلا کو روکنے اور اس میں شامل افراد کو حراست میں لینے پر شدید ردعمل دیا ہے۔ انہوں نے کہا کہ سابق سینیٹر مشتاق احمد خان سمیت تمام گرفتار افراد کو فوری طور پر رہا کیا جائے۔
بلاول بھٹو کا کہنا تھا کہ کھانا اور دوا کسی کے لیے خطرہ نہیں ہوتے، لیکن اسرائیل نے فلوٹیلا کو روک کر ڈاکٹروں اور رضاکاروں کو حراست میں لے کر انسانیت پر کھلا حملہ کیا ہے۔
انہوں نے واضح کیا کہ پاکستانی سینیٹر کو حراست میں لینا بین الاقوامی قوانین کی صریحاً خلاف ورزی ہے۔ چیئرمین پیپلز پارٹی نے غزہ کے لیے انسانی راہداری کھولنے اور فلسطین کے لیے انصاف کی فراہمی کا بھی مطالبہ کیا۔
