عیدالفطر تعطیلات سعودی عرب, پاکستان عیدالفطر چھٹیاں, رمضان اختتام, سعودی وزارت افرادی قوت, چاند پیشگوئی پاکستان, سرکاری تعطیلات
سعودی عرب نے عیدالفطر کے موقع پر نجی اور غیر منافع بخش شعبوں کے لیے چار روزہ تعطیلات کا اعلان کر دیا ہے جبکہ پاکستان میں عیدالفطر کے موقع پر تین سرکاری چھٹیوں کا امکان ظاہر کیا جا رہا ہے۔
عرب خبر رساں ایجنسی کے مطابق سعودی وزارت افرادی قوت نے اعلان کیا ہے کہ نجی اور غیر منافع بخش اداروں میں عیدالفطر کی تعطیلات چار دن پر مشتمل ہوں گی۔
سرکاری ترجمان محمد الرزقی کے مطابق عیدالفطر کی تعطیلات بدھ 18 مارچ (29 رمضان) کو کام کے اختتام کے بعد شروع ہوں گی اور چار روز تک جاری رہیں گی۔ اس دوران نجی اور غیر منافع بخش اداروں کے ملازمین کو تعطیلات دی جائیں گی۔
دوسری جانب محکمہ موسمیات پاکستان نے عیدالفطر کے چاند سے متعلق پیشگوئی جاری کرتے ہوئے کہا ہے کہ ملک میں عیدالفطر 21 مارچ 2026 بروز ہفتہ ہونے کا امکان ہے۔
کابینہ ڈویژن کی جانب سے جاری کردہ عام تعطیلات کے نوٹیفکیشن کے مطابق 2026 میں عیدالفطر کے موقع پر 21، 22 اور 23 مارچ کو تین روزہ سرکاری تعطیلات ہوں گی۔
