اسلام آباد میں حاصل ہونے والی اطلاعات کے مطابق پاکستانی شہری فی لیٹر پیٹرول پر مجموعی طور پر 37 فیصد ٹیکس ادا کر رہے ہیں۔ پیٹرولیم ڈویژن کے مطابق ایک لیٹر پیٹرول کی قیمت میں 96 روپے 28 پیسے ٹیکس کی مد میں شامل ہیں، جو فیول کی مجموعی قیمت کا نمایاں حصہ بنتا ہے۔
ذرائع کا کہنا ہے کہ ڈیزل کی قیمت پر بھی بھاری ٹیکس عائد ہیں اور ایک لیٹر ڈیزل کی قیمت میں 94 روپے 92 پیسے یعنی 34 فیصد حصہ مختلف ٹیکسز پر مشتمل ہے۔ یہ ٹیکس کسٹم ڈیوٹی، پیٹرولیم ڈیوٹی اور کلائمیٹ لیوی کی شکل میں وصول کیے جاتے ہیں۔
پیٹرولیم ڈویژن کے حکام کے مطابق یہ ٹیکس فی لیٹر قیمت کا بڑا حصہ بنتے ہیں اور عوام پر اضافی مالی بوجھ کا سبب بن رہے ہیں، جس سے پیٹرول اور ڈیزل کی قیمتوں میں واضح اضافہ دیکھنے میں آرہا ہے۔
