ایران اور امریکا کے درمیان جاری کشیدگی کے باعث ایشیائی کرنسیوں کی قدر میں مجموعی طور پر کمی کا رجحان دیکھا جا رہا ہے، جس کے اثرات مختلف ممالک کی معیشتوں پر بھی مرتب ہو رہے ہیں۔
رپورٹس کے مطابق ایرانی ریال امریکی ڈالر کے مقابلے میں اپنی تاریخ کی کم ترین سطح پر آ گیا ہے، جہاں ایک ڈالر کے مقابلے میں اس کی قدر تقریباً 18 لاکھ ایرانی ریال تک پہنچ گئی ہے، جو کرنسی کی شدید گراوٹ کو ظاہر کرتی ہے۔
یہ بات بھی سامنے آئی ہے کہ جنگ کے آغاز کے وقت ایک امریکی ڈالر کی قدر تقریباً 17 لاکھ ایرانی ریال تھی، تاہم حالیہ کشیدگی اور غیر یقینی صورتحال کے باعث اس میں مزید نمایاں کمی واقع ہوئی ہے۔
معاشی ماہرین کے مطابق کرنسی کی قدر میں اس تیزی سے کمی کا تعلق خطے میں بڑھتی ہوئی سیاسی اور فوجی کشیدگی سے ہے، جس کے باعث سرمایہ کاروں کا اعتماد متاثر ہو رہا ہے اور مالیاتی منڈیوں میں عدم استحکام بڑھ رہا ہے۔
